DC. Mkanachi awaasa wachukua taarifa anwani za makazi

Tarehe iliyowekwa: March 9th, 2022

.

Mkuu wa Wilaya ya Kondoa Mhe. Dkt Hamis Mkananchi amewataka vijana waliochaguliwa kushiriki katika zoezi la  ukusanyaji wa taarifa za anuani za makazi na posti kodi kufanya kazi kwa umakini kwa kuwa wameaminiwa.

Kauli hiyo ameitoa wakati wa  ufunguzi wa semina kwa wachukua taarifa wakati wa zoezi la anwani za makazi na posti kodi iliyofanyika katika ukumbi wa Chuo cha Ualimu cha Bustani hivi karibuni.

“Tumewaamini tafadhali msituangushe nendeni mkafanyekazi hii kwa umakini na kila mtu atambue kuwa zoezi hililinahitaji uzalendo wa hali ya juu hivyo msikilize  kwa makini mafunzo haya mkiwa wasikivu, wepesi na kujitoa hakika zoezi hili litaisha hata kabla ya sikusaba”,amesema DC Mkanachi.

Dkt Mkanachi ameendelea kwa kusema kuwa  kila mtu kwa nafasi yake atimize wajibu wake ili kuhakikisha kuwa zoezi hili linafanikiwa  na kwamba wenyeviti na mabalozi wanapaswa kutoa ushirikiano kwa vijana watakaopita katika mitaa yao kuhakikisha kuwa wanakusanya taarifa za ukweli na kwa wakati kwa kufanya hivyo Halmashauriya Mji Kondoa itakuwa ya kwanza Kimkoa na hata Kitaifa.

“Niwashauri katika kufanya kazi hii tutangulize uzalendo kwanza alafu pesa ifuate lakini tukianza kuzungumza habari ya pesa na kazi bado haijaanza hii itakuwa ni aibu kubwa na mtakuwa hamjamtendea haki Mhe. Rais ambaye ameagiza zoezi hili lifanyike”,amesisitiza Dkt Mkanachi.

Kwa upande wake Mwenyekiti wa Halmashauri ya MjiKondoa Mhe. Mohamedi Kiberenge amewashauri vijana kuchukulia suala hili kwa uzito na kuhakikisha kuwa wanalikamilisha kwa muda waliopewa ili waendelee kuaminiwa kwa siku za usoni.

“Tumewaamini vijana kwa sababu ninyi ni nguvu kazi ya Taifa na kwasababu mnaweza na mna uthubutu hivyo nendeni mkafanye kazi kwa kuzingatia misingi na maadili ili kuweza kufanikisha kwa haraka lakini kikubwa zaidi shirikianeni na mkafanye kazi kwa umoja mwisho wa siku zoezi hili likalete matokeo chanya”,ameongeza Mhe. Kiberenge

Mafunzo kwa wachukua taarifa wakati wa zoezi la anuani za makazi na posti kodi kwa Halmashauri ya Mji Kondoa limefanyika ambapo yamedhuriwa na watendaji wa Kata, wenyeviti, Wakuu wa idara na Wahe. Madiwani