DC Nyangasa afungua kikao cha Baraza la Biashara Wilaya ya Kondoa

Tarehe iliyowekwa: December 17th, 2025

Mkuu wa Wilaya ya Kondoa Mhe.Fatma Nyangasa amefungua kikao Cha Baraza la Biashara kilichofanyika katika ukumbi wa Kondoa Irangi kwa lengo la kujadili masuala mbalimbali yanayohusu biashara kati ya sekta binafsi na Umma ili kuleta maendeleo ya Halmashauri kupitia biashara.

DC Nyangasa amewaomba wataalamu kufanyia kazi mambo yote yaliyojadiliwa pamoja na kushirikiana pale ambapo mambo hayaendi sawa.

Mhandisi wa Halmashauri ya Mji Kondoa Ndugu Martin Vicent ametoa taarifa juu ya maendeleo ya kuanza kwa mradi wa ujenzi wa soko kuu na stendi mpya  ya mabasi Bicha ambapo taarifa yake imeeleza kuwa muda wowote kutoka hivi Sasa ujenzi huo utaanza.

Wafanyabiashara walioshiriki mkutano huo pia wameishauri serikali na kutoa mapendekezo namna ya kutatua changamoto mbalimbali ili kuboresha zaidi masuala ya biashara.

Taarifa zilizowasilishwa ni utekelezaji wa zoezi la utambuzi wa mifugo, ujenzi wa stendi mpya ya Bicha na Soko Kuu la Kondoa pamoja na mfumo wa uzaaji wa mazao kupitia stakabadhi ghalani.

Mojawapo ya wadau waliohudhuria kikao hicho ni Waheshimiwa Madiwani, wafanyabiashara, Wakuu wa Idara na Vitengo, Mameneja wa Benki pamoja na Wakuu wa Taasisi mbalimbali.