DC Nyangasa aongoza kikao cha tathmini ya lishe Kondoa Mji

Tarehe iliyowekwa: September 10th, 2025

Mkuu wa Wilaya ya Kondoa Mhe. Fatma Nyangasa ameongoza kikao cha Tathimini ya Lishe katika Halmashauri ya mji Kondoa Kilichoandaliwa na halmashauri hiyo kupitia Idara ya afya, lishe na ustawi wa Jamii.

Lengo la kikao hicho ni kujadili shughuli za lishe kwa Mwaka wa fedha 2024/2025

Kikao hicho kimehudhuriwa mkurugenzi wa Halmashauri ya mji Kondoa Ndg.Said Majaliwa, Katibu Tawala Wilaya, wakuu wa Idara, Maafisa Lishe, Maafisa tarafa pamoja na watendaji wa Kata.

Moja wapo ya mambo yaliyoangaliwa katika kikao hicho ni masuala ya urutubishaji wa vyakula Ili kuendana na mikakati ya Serikali ya kuhakikisha wananchi wanakuwa na afya bora.

Hata hivyo DC Nyangasa amempongeza Mkurugenzi Majaliwa kwa kazi nzuri anayoifanya katika utekelezaji wa afua za lishe kwa mwaka 2024/2025.

Katika kikao hicho Mkuu wa Wilaya  amesisitiza kuweka kipaumbele kwa watoto, kufanya vikao vyote vya lishe  kwa wakati pamoja na  kuhakikisha vinu vya kuongeza virutubishi vinaletwa ili  jamii iweze kutumia vyakula vya kuongeza virutubisho ili kuimarisha afya zao.

Kikao hicho Cha tathimini ya lishe kimefanyika katika ukumbi wa halmashauri uliopo katika ofisi za Halmashauri ya mji Kondoa.