"Dumisheni ushirikiano kuendelea kupata hati safi"- RC Senyamule

Tarehe iliyowekwa: July 12th, 2023

Mkuu wa Mkoa wa Dodoma Mhe. Rosemary Senyamule amewataka viongozi na watumishi waHalmashauri ya Mji Kondoa kuendelea kudumisha ushirikiano uliopo ili waendelee kupata hati safi kama walivyopata kwatika ukaguzi wa hesabu kwa mwaka 2021/2022

Ameyasemahayo wakati wa kikao maalum cha baraza la Waheshimiwa Madiwani la kujadili hojaza Mdhibiti na Mkaguzi wa Hesabu za serikali kilichofanyika katika ukumbi wamikutano wa Halmashauri ya Mji Kondoa hivi karibuni.

“Nachukuanafasi hii kupongeza Halmashauri ya Mji Kondoa kwa kupata hati safi na nimeambiwa ni kawaida yenu na mjue kwa hayo mmeleta sifa kwa halmashauri, mkoana taifa kwa ujumla hongereni sana,”amesema Mhe. Senyamule

Aidhaamesema kuwa ameona utofauti wa uendeshaji wa baraza la madiwani katika Halmashauri ya Mji Kondoa ambapo Mwenyekiti wa Halmashauri amekuwa akimsimamisha diwani mmoja mmoja kutoa maoni kwa kila hoja jambo ambalo linaonyesha demokrasia katika baraza hilo.

“Imeonekanakuna utaratibu wa kujibu hoja mpya na kuacha za zamani bila majibu hivyonawashauri tujikite pia kujibu hoja za zamani kwa kuwa hoja zote zina uzitosawa, zingine ukiangalia zimesababishwa na uzembe sababu unakosaje risiti wakati umepewa fedha?”ameuliza Mhe. Senyamule

Ameongezakuwa ili kukabiliana na suala la hoja mkoa umeagiza kila halmashauri kuwa na agenda ya kudumu katika vikao vya kisheria ambapo taarifa itatakiwa kupelekwa mkoani kila mwezi, fedha zilizokusanywa kupelekwa benki, kupeleka makato yakisheria ya watumishi na kutaka kupata taarifa utekelezaji Agosti 30,2023.

Naye Katibu Tawala Mkoa wa Dodoma Ndg. Ally Gugu amesema ili kuhakikisha hoja hazipokabisa katika halmashauri hatoacha kuja kuangalia utekelezaji wa masuala mbalimbali na kuisihi halmashauri kufuta hoja zilizosalia na kuwapongeza kwa kupata hati safi.

Akiwakaribisha viongozi Mkuu wa Wilaya Kondoa Mhe. Dkt. Khamis Mkanachi amewapongeza waheshimiwa madiwani kwa kuendelea kuifanya Halmashauri kuwa katika hali ya utulivu na kuwashauri ili kuepukana na hoja wataalam wakae na kuona sababu zinazosababisha hoja kuwepo kwa kuwa hoja nyingine zinasababishwa na wataalam mwenyewe hivyo wanaosababisha wachukuliwe hatua pia.

Akifungakikao Mwenyekiti wa Halmashauri ya Mji Kondoa Mhe. Mohamed Kiberenge amesemakuwa baraza limepokea ushauri na utafanyiwa kazi na wao kama wajumbe wa kamatiya fedha walishaanza kuyafanyia kazi kwa kuhakikisha viambata vyote vya majibu vinatafutwa na vinapatikana na majibu pia.

Halmashauri ya Mji Kondoa imefanya baraza maalum la kujadili hoja za Mdhibiti wa Hesabu za Serikali kwa mwaka wa fedha 2021/2022 ambapo Halmashauri ilikuwa na hoja 61kati ya hizo hoja 26 zilikuwa za miaka ya nyuma, hoja 35 mpya na baada yakutolewa majibu hoja 35 zimefungwa na kusalia na hoja 20.