Kamati ya Fedha yakamilisha ziara ya ukaguzi wa miradi ya maendeleo ya shilingi bilioni 1.2

Tarehe iliyowekwa: October 23rd, 2024

Kamati ya Fedha na Utawala imekamilisha ziara ya ukaguzi wa miradi ya maendeleo yenye thamani ya shilingi bilioni 1.2 inayotekelezwa katika kata na mitaa mbalimbali za Halmashauri ya Mji Kondoa.

Miradi iliyopitiwa na kamati hiyo ni pamoja na mradi wa ujenzi wa madarasa 8 na matundu 8 ya vyoo katika Shule ya Sekondari Ula ukiwa na thamani ya milioni 198.4, mradi wa ujenzi wa madarasa 8 na matundu 8 ya vyoo katika Shule ya Sekondari Tura Day ukiwa na thamani ya shilingi milioni 198.4 pamoja na mradi wa ujenzi wa nyumba ya mwalimu wenye thamani ya shilingi milioni 95.

Aidha miradi mingine ni ujenzi wa madarasa 6 na matundu 8 ya vyoo na mabweni mawili katika Shule ya Sekondari Gubali ukiwa na thamani ya shilingi milioni 419.4, mradi wa ujenzi wa darasa 1 na matundu 18 ya vyoo ukiwa na thamani ya shilingi milioni 37.4 Shule ya Sekondaru Kolo, ujenzi wa madarasa 3 na matundu 8 ya vyoo kwa shilingi 81.6 Shule ya Msingi Unkuku na ujenzi wa madarasa 7 na matundu 8 ya vyoo kwa shilingi milioni 175.4 Shule ya Sekondari Bicha.

Akiongea kwenye maeneo ya miradi Mwenyekiti wa Halmashauri ya Mji Kondoa Mhe. Mohamed Kiberenge amempongeza Mkurugenzi wa Halmashauri ya Mji Kwa ufuatiliaji na walimu kwa usimamizi wa miradi hiyo ambayo kwasasa ipo katika hatua mbalimbali za utekelezaji na kushauri kuongeza kasi ya ukamilishaji ili ianze kutoa huduma kusudiwa.

Aidha amezitaka kamati za wananchi zinazosimamia miradi hiyo kuhakikisha wanafuatilia kila kitu kuhusu miradi yao ili fedha iliyotolewa iweze kumaliza mradi husika ikiwa ni Pamoja na kuweka kumbukumbu ya vifaa vyote vinavyotumika kwa lengo la kuzuia upotevu wa vifaa hivyo.

Naye Makamu Mwenyekiti wa Halmashauri ya Mji Kondoa Mhe. Zainabu Haroub ameshauri fedha zinazotolewa na serikali kuwekwe utaratibu mzuri wa kuhakikisha kuna mchango wa nguvu za wananchi ili kusaidia fedha zilizotolewa kutoshereza na kuwapa nguvu ya umiliki wananchi ambao nao wamechangia nguvu zao.

Kwa upande wake Mkurugenzi wa Halmashauri ya Mji Kondoa Ndg. Said Majaliwa amewashukuru Waheshimiwa kwa michango yao katika miradi hiyo na kuahidi kuendelea kuisimamia