Kamati ya Siasa Wilaya ya Kondoa yatembelea miradi Kondoa Mji

Tarehe iliyowekwa: August 19th, 2021

Kamati ya Siasa Wilaya ya Kondoa imetembelea miradi iliyotekelezwa na Halmashauri ya Mji Kondoa kwa kipindi cha kuanzia mwezi Januari hadi Juni 2021 katika kata zote nane na kuchangia matofali 400 katika Shule ya Msingi Maji ya Shamba.

Miradi iliyotembelewa ni mradi wa barabara Mongoroma, miradi ya ujenzi wa madarasa na maabara katika shule za sekondari za Ula, Gubali na Bicha, jiradi ya ujenzi wa madarasa katika shule za msingi Ubembeni, Tungufu na Maji ya Shamba, miradi ya ujenzi wa Zahanati katika mitaa ya Hachwi na Tampori. 

Aidha wajumbe wametembelea katika mradi wa maji Mongoroma na Tumbelo ikiwa ni pamoja na Kituo cha Afya Kingale.

Hata hivyo wajumbe hao wamefurahishwa na kupongeza utekelezaji wa miradi hiyo ambayo imetokana na ilani ya Chama Cha Mapinduzi na kutoa ushauri kwa baadhi ya miradi ambayo ilionekana kusuasua kutokana na tofauti za wananchi na kuahidi kumaliza tofauti hizo ili miradi ikamilike kwa wakati na kutoa huduma iliyostahili na .

Akiongea kwa niaba ya Katibu Tawala Ally Mbena ameishukuru kamati kwa kutembelea miradi kwani hali hiyo imewapa molari ya kuendelea kutekeleza kazi na kuchukua maagizo na ushauri uliotolewa na kamati kwa ajili ya kuufanyia kazi.

Ziara ya kamati imefanyika kwa lengo la kuangalia utekelezaji wa Ilani ya Chama Cha Mapinduzi ambapo kamati ya Wilaya iliongozwa na Katibu wa Chama Wilaya Bwana Kasendamila na wajumbe wengine aidha wataalam walioshiriki ni pamoja na Afisa Tarafa Kondoa Mjini, Meneja TARURA, Afisa Elimu Sekondari, Kaimu Afisa Mipango, Kaimu Afisa Elimu Msingi, Kaimu Mhandisi wa Ujenzi na Afisa Ugavi.