Kero ya ardhi yatawala ziara ya Mkurugenzi, Menejimenti Kilimani

Tarehe iliyowekwa: May 31st, 2024

Katika mwendelezo wa ziara ya kata kwa kata inayofanywa na Mkurugenzi na menejimenti katika Halmashauri ya Mji Kondoa migogoro ya ardhi imewasilishwa kwa kiwango kikubwa katika kata ya Kilimani.

Wakiwasilisha changamoto hizo wananchi wa kata hiyo wamesema wanamaeneo yao yalichukuliwa na Halmashauri na kupimwa kisha kupewa watu wengine bila kulipwa fidia  japokuwa wengine wamelipwa mwaka 2011 na wanapotaka kuendeleza maeneo yao huvamiwa na watu wengine.

Akijibu changamoto ya wakazi hao Mkurugenzi wa Halmashauri ya Mji Kondoa Ndg.Said Majaliwa amewataka wananchi hao kuwa na subira wakati jambo lao likifanyiwa kazi ambapo atandaa kikao cha pamoja nao ili kulitatua kwa pamoja kwa kutumia nyaraka zilizopo toka awali ikiwa ni pamoja kujua waliolipwa fidia na wanaodai.

Aidha amewataka watendaji wa mitaa kuhakikisa wananchi waaojenga waa vibali vya ujenzi ili kuepuka ujenzi holela, kuiingizia mapato Halmashauri na kufuata sheria ambapo nyumba zote zinazojengwa zinatakiwa kuwa na vibali.

Ameendelea kuwataka watendaji kuwa na rejesta za nyumba zilizopo kwenye mitaa yao ikiwa ni pamoa na kutoa taarifa ya changamoto wanazokabiliana nazo katika kutekeleza majukumu yao.

Kwa upande wake Kaimu Afisa Utumishi na Utawala Ndg. Pepino Mfugale amewataka watendaji kukaa katika vituo vya kazi, kufanyakazi kwa ushirikiano na kufanya kazi operesheni ya kukusanya fedha za vibali vya ujenzi.

Ziara ya kwa kata katika kata ya Kilimani imemalizika kwa Mkurugenzi kufika katika mtaa wa Bicha kuona eneo la stendi ya Bicha ambalo  baadhi ya wananchi hawajalipwa fidia kutokana na mgogoro wa pande mbili iwapo wapo katika eneo la mgogoro ili wapewe fidia yao.