Kondoa Mji wafanya ziara ya kujifunza Dodoma Jiji

Tarehe iliyowekwa: September 5th, 2025

Menejimenti ya Halmashauri ya mji Kondoa Imetembelea Halmashauri ya jiji la Dodoma kujifunza namna walivyofanikiwa kuwahamisha wafanyabiashara wa soko la Majengo ambalo ndilo lilikuwa Soko kuu la Jiji Hilo Ili kupisha Ukarabati wa Soko hilo.

Idara ya Biashara ikishirikiana na idara ya mipango pamoja na kitengo cha Sheria wamefanikiwa kufanya ziara  hiyo tar 04/09/2025.

Katika ziara hiyo iliyoongozwa na Afisa Biashara Bertha Msaki walitembelea eneo ambalo wafanyabiashara walihamishiwa na kujifunza mbinu mbalimbali zilizotumika kuwahamisha wafanyabiashara hao pasipo kuleta  migogoro wala usumbufu wowote.

Timu ya menejimenti ilikutana na uongozi wa soko na uongozi wa Halmashauri ya jiji na kukaa pamoja katika ofisi ya uongozi wa soko na kupata mbinu mbalimbali zilizotumika kufanikisha zoezi hilo ikiwemo ushirikishwaji wa wafanyabiashara kuanzia hatua za awali, majadiliano hadi kupisha ukarabati.

Lengo la Ziara hiyo ni kuona namna bora ya utekelezaji wa mradi mpya wa TACTIC unaofadhiliwa na Benki ya Dunia wa ujenzi wa Soko la Kisasa katika Halmashauri ya Mji Kondoa kwani wafanyabiashara wa Soko kuu watalazimika pia kupisha ujenzi wa Soko hilo.

Ujenzi wa Soko kuu la kisasa katika Halmashauri ya Mji Kondoa unatarajiwa kuanza mapema mwezi wa Oktoba, 2025.