Kondoa Mji yatoa mafunzo ya mfumo wa SIS kuimarisha na kuboresha mifumo ya utoaji taarifa

Tarehe iliyowekwa: January 9th, 2026

Halmashauri ya Mji Kondoa  imetoa Mafunzo ya School Information System (SIS) kwa wakuu wa shule za Msingi na Sekondari, walimu wa TEHAMA, Maafisa Elimu Kata, pamoja na Maafisa wa Idara ya Sekondari na  Elimu ya Awali na Msingi pamoja na walimu wa shule zisizomilikiwa na Serikali.

Lengo la mafunzo hayo ni kuhakikisha Shule zote zinatumia mfumo wa Kidijitali wa Taarifa za Shule kwa ufanisi  katika ukusanyaji, utunzaji na utoaji wa taarifa za Shule kwa wakati.

Taarifa hizo ni kama vile uandikishaji na usajili wa wanafunzi, taarifa za walimu na wanafunzi, mahudhurio ya walimu na  wanafunzi, maendeleo ya wanafunzi, taarifa za  vitabu pamoja na miundombinu na samani za shule.

Mafunzo hayo ya siku 2 yanafanyika katika  Chuo cha Ualimu Bustani na yamefunguliwa leo na Afisa Elimu Msingi Mwalimu  Lucy Mbolu kwa niaba ya Mkurugenzi wa Halmashauri ya Mji Kondoa.

Akiongea na wanamafunzo, Bi Lucy amewasisitiza   kuwa makini kwa kila hatua ya ujifunzaji   kwa kuwa baada ya mafunzo watakwenda kutumia  mfumo na pia  kuwawezesha walimu wote wa Shule za Msingi na Sekondari   kutumia mfumo kwa ufanisi.

Mafunzo hayo yamehudhuriwa na wanamafunzo 118 ambapo mada mbalimbali ikiwemo School Management na Classroom Operation zimefundishwa.

Afisa Elimu amehimiza wanamafunzo kuhakikisha  taarifa zinazoingizwa kwenye mfumo ni sahihi kwa ajili ya  matumizi mbalimbali katika ngazi ya Halmashauri, mkoa na Taifa kwa ujumla.

@ortamisemi

@maelezonews

@mkoa_wa_dodoma