Kondoa Mji yatoa milioni 90 ya Mikopo ya Wanawake, Vijana na Watu wenye Ulemavu awamu ya tatu

Tarehe iliyowekwa: July 1st, 2025

Halmashauri ya Mji Kondoa  imetoa Mikopo ya asilimia 10 kwa Wanawake, Vijana na Watu wenye ulemavu ambapo jumla ya shilingi milioni 90 zimetolewa kwa vikundi 16.

Akizungumzia mafanikio ya mikopo hiyo Mkurugenzi wa Halmashauri ya mji Kondoa Ndg. Said Majaliwa amesema kuwa mikopo hiyo imetengeneza ajira kwa vijana pamoja na  kuchachua uchumi wa Kondoa kwa kuongeza mzunguko wa fedha.

Tangu kufunguliwa kwa mikopo hii mwezi Oktoba  mwaka 2024 mpaka Juni 2025 zaidi ya shilingi milioni 457 zimekwishatolewa kwa vikundi mbalimbali vikiwemo vikundi vya bodaboda, mama lishe na wajasiriamali wadogowadogo.

Hata hivyo Mkuu wa Wilaya ya Kondoa Mhe.Fatma Nyangasa amempongeza Mkurugenzi wa Halmashauri ya Mji Kondoa kwa  kufanya kazi nzuri ya utoaji wa mikopo kwa wakati ambapo jumla ya vikundi 54 vimekwishapokea mikopo mpaka Sasa.

"Mkurugenzi hongera sana kazi imefanyika lakini sio tu kufanyika bali imefanyika kwa wakati kwa kweli Mkurugenzi hongera sana pamoja na timu Yako" amesema Mhe. Nyangasa

Mhe. Nyangasa amesisitiza mikopo hiyo kutumika kwenye malengo waliyojiwekea lakini pia kurudisha kwa wakati ili na wengine waweze kunufaika.