Leseni za Biashara Kutolewa kwa Njia ya Mtandao

Tarehe iliyowekwa: May 9th, 2018

Wakala wa usajili wa biashara na utoaji wa leseni (BRELA) wamepongezwa kwa kuanzisha mfumo wa usajili wa jina la kampuni na utoaji wa leseni leseni za biashara kwa njia ya mtandao.

Pongezi hizo zimetolewa na Kaimu Katibu Tawala Mkoa wa Dodoma Bi. Aziza Mumba wakati akifungua mafunzo ya mfumo huo katika ukumbi wa Desert Palm Dodoma.

Alisema kuwa mfumo huo umekuja kwa wakati muafaka kwani mkoa wa Dodoma kwasasa serikali imehamia hapo hivyo wajasiriamali na wawekezaji wataongezeka na uwepo wa huduma hiyo itawarahisishia kusajili biashara zao.

“Mfumo huu kwa asilimia kubwa utapunguza mlolongo na kuokoa muda aliokuwa anautumia mfanyabiashara kwajili ya kusajili sababu pia umeunganishwa na NIDA TRAna TCRA.”Alisema Bi. Aziza

Aidha aliishukuru taasis ya LIC kwa kujenga vituo vya biashara katika Halmsahauri za Wilaya za mkoa wa Dodoma kwani wamerahisisha huduma za upatikanaji wa leseni katika jengo moja linalowakutanisha wadau wote kutoka taasis mbalimbali.

Hata hivyo aliwataka washiriki kusikiliza kwa makini na kuyafuatilia mafunzo hayo ili wakawe mabalozi wazuri kwa wafanyabiashara watakaowahudumia na kutumia mfumo katika kuboresha biashara zao.

Mafunzo ya usajili wa makampuni na utoaji wa leseni kwa njia ya mtandao yanafanyika kwa siku mkoani Dodoma kwa maafisa TEHAMA na maafisa biashara kutoka katika Halmashauri za mkoa wa Dodoma.