Msimamizi wa Uchaguzi atoa maelekezo ya Uchaguzi

Tarehe iliyowekwa: September 26th, 2024

Msimamizi wa uchaguzi Halmashauri ya Mji Kondoa Ndg. Said Majaliwa leo 26 Septemba, 2024 ametoa maelekezo ya uchaguzi kuhusu uchaguzi wa Serikali za Mitaa 2024.

Maelekezo hayo ameyatoa katika ukumbi wa mikutano wa Halmashauri ya Mji Kondoa mbele ya wadau mbalimbali wakiwemo viongozi wa vyama vya siasa, viongozi wa dini na wazee maarufu.

Akitoa maelekezo hayo Msimamizi wa  uchaguzi ametoa maelekezo ya vituo vya kupigia kura, muda na mahali pa vituo vya kujiandikishia,wito kwa wenye umri wa kupiga kura, wito kwa wagombea.

Ameendelea kutoa maelekezo ya tarehe ya kuchukua fomu, uteuzi wa wagombea, pingamizi dhidi ya uteuzi na tarehe za kufanya kampeni.

Aidha ametoa wito kwa wananchi wote wenye sifa kushiriki kwa kujiandikisha kwenye orodha ya mpiga kura katika mitaa yao ili wapate fursa ya kuweza kupiga kura kuchagua viongozi wao.

Pia amesema nafasi zitakazogombewa katika Halmashauri ya Mji Kondoa ni Mwenyekiti wa Mtaa,wajumbe wa kamati ya mtaa  kundi la wanawake na wajumbe kamati ya Mtaa kundi la wanawake na wanaume.