Mwenge wa Uhuru wapitia miradi ya Bilioni 1.5 Kondoa Mji

Tarehe iliyowekwa: July 30th, 2024

Mwenge wa uhuru umekimbizwa katika Halmashauri ya Mji Kondoa na kupita katika miradi 6 yenye thamani ya shilingi bilioni 1.5.

Miradi iliyopotiwa na Mwenge wa Uhuru ni pamoja na mradi wa vijana Wazalendo uliopo Kwantis, Zahanati ya Choka, usambazaji maji Hachwi, barabara Gubali Bolisa- Iboni, Bweni la watoto wenye mahitaji maalum Iboni na mradi wa msitu wa miombo Hachwi.

Akiongea katika mradi wa Hachwi kiongozi mkimbiza Mwnge Kitaifa Ndg. Godfrey Mnzava amewahakikishia wananchi wa Hachwi kuwa mradi huo utakamilika kwa wakati na kutoa huduma kusudiwa kwa jamii ambapo kwasasa upo asilimia 90 ya utekelezaji na una thamani ya shilingi milioni 800 na unatarajia kuwanufaisha wananchi zaidi ya 2000.

Aidha katika mradi wa zahanati ya Choka kiongozi mkimbiza Mwenge ametaka zahanati hiyo kukamilishwa kwa wakati ili wananchi wa Mtaa wa Choka na mene jirani wapate huduma ya afya katika kituo hicho kama ilivyokusudiwa na serikali, ambapo mradi huo umegharimu shilingi 87.3 ikiwa ni fedha kutoka Serikali kuu na mapato ya ndani.

Katika mradi wa vijana Mkimbiza Mwenge kitaifa amewataka vijana kutumia fursa za mikopo ya asilimia 10 inayotolewa na Halmashauri ili kujikomboa kiuchumi na kujipaia kipato kwa kuwa mikopo hiyo haina riba na kuwapongea kikundi hicho kwa kumaliza mkopo wa shilingi milioni 8 kwa wakati huku wakifungua maduka mawili inayowasaidia kujipatia kipato.

Katika hatua nyingine akiwa katika mradi wa misitu wa miombo amewataka wananchi kuendelea kutunza mazingira na kutahifadhi na kufanya kilimo ambacho kitakuwa endelevu kwa utunzaji na uhifadhi wa mazingira na kuachana na tabia ya kufuga mifugo kwa kuzurulisha nakuharibu mazingira.

Akiongea na wanafunzi wenye mahitaji maalum katika mradi wa bweni la wanafunzi wenye mahitaji maalum amewahakikishia wanafunzi hao kuwa Rais Dkt. Samia Suluhu Hassan yupo pamoja nao na ndio maana anaendelea kuleta fedha za koboresha mazingira yao ya kujifunzia ambapo bweni hilo limegharimu shilingi milioni 142.9 kutoka TEA.

Kwa upande wake Mbunge wa Kondoa Mjini Mhe. Ally Makoa amemshukuru Rais kwa kuleta fedha zote ndani ya jimbo la Kondoa Mjini ambazo zimewasaidia wananchi kutatua changamoto za muda mrefu ikiwemo mradi wa maji Hachwi ambako kwa mara ya kwanza wanaenda kupata maji ya bomba.

Mwenge wa Uhuru umepitia miradi yote hiyo na kuweka mawe ya msingi, kufungua na kuona ambapo viongozi mbalimbali wameshiriki ikiwemo waheshimiwa wabunge, viongozi wa Chama na wananchi ambapo mkesha wake ulifanyika katika uwanja wa Sabasaba tarehe 30.06.2024 na kukabidhiwa Halmashauri ya Wilaya tarehe 1.07.2024.