Mwenyekiti Kiberenge akabidhi pikipiki 6 kwa Maafisa Kilimo

Tarehe iliyowekwa: December 23rd, 2024

Mwenyekiti wa Halmashauri ya Mji Kondoa Mhe.Mohamed Kiberenge amekabidhi  pikipiki 6 kwa maafisa Kilimo wa Halmashauri ya Mji Kondoa ikiwa ni mkakati wa kuhakikisha wakulima mbalimbali wanafikiwa kwa urahisi na kuongeza uzalishaji.

Pikipiki hizo ambazo zimenunuliwa na Serikali kupitia Wizara ya Kilimo zimekadhiwa leo katika viwanja vya Ofisi za Halmashauri ya Mji Kondoa.

Mhe. Kiberenge amemshukuru Rais wa Jamhuri ya Muungano wa Tanzania Mhe. Samia Suluhu Hassan kwa kuendelea kuikumbuka sekta muhimu ya kilimo kwa kuwa kilimo ndio uti wa mgongo kwa Tanzania.

“Ukiwezesha idara hizi na zikafanya vizuri utaona mabadiliko ya moja kwa moja kwa wananchi.”Amesema Mhe.Kiberenge

Ameongeza kwa kuwaasa maafisa hao kutunza vizuri vyombo hivyo lakini pia kuhakikisha wanawafikia wananchi waliokusudiwa ili kufanya kilimo chenye tija zaidi hususani kilimo cha umwagiliaji.

Kwa upande wake Ndg. Tatu Rashidi kwa niaba ya Maafisa Kilimo Halmashauri ya Kondoa Mji amesema kuwa wao kupewa pikipiki hizo kutaongeza ufanisi Zaidi kwenye sekta ya kilimo kwani wataweza kuwafikia wakulima kwa wakati sahihi na kuwapa maelekezo na msaada wanaoutaka.

Halmashauri ya Mji Kondoa una jumla ya Maafisa Kilimo 25 ambapo Serikali kupitia Wizara ya Kilimo imeleta pikipiki