Mwenyekiti Kiberenge ashiriki kampeni ya upandaji miti Bolisa

Tarehe iliyowekwa: January 15th, 2025

Mwenyekiti wa Halmashauri ya Mji Kondoa Mhe. Mohamed Kiberenge ameshiriki zoezi la upandaji miti katika Kata ya Bolisa tukio ambalo

limeandaliwa na Baraza Kuu la Kiislamu Tanzania(BAKWATA) ambapo wanategemea kupanda miti takribani 200,000 katika kata hiyo.

Zoezi Hilo la Upandaji Miti limezinduliwa na Ally Said Ngwele ambaye ni Rais wa Taasisi ya Mwarabu Mweusi Foundation yenye makao makuu Mkoani Singida.

Lengo kuu la upandaji wa miti hiyo ikiwemo miti ya matunda ni kuendana na mpango wa kitaifa wa Dodoma ya Kijani kwa kupanda miti 1,500,000 kila Halmashauri lakini pia kukabiliana na mabadiliko ya tabia ya nchi na kuifanya Bolisa ya kijani

Mufti kupitia Taasisi ya BAKWATA amekuwa akiunga juhudi za Mhe.Rais za kuifanya Tanzania ya kijani kwa kuhamasisha watu kupanda miti katika maeneo mbalimbali nchini Tanzania.

Akiongea na Wananchi wa Bolisa Mhe. Kiberenge amewataka Wana Bolisa kuwa wazalendo wa utunzaji wa miti kwa manufaa ya kizazi cha leo na kesho.

Hata hivyo Kiberenge ameshauri kuzingatia umbali kutoka barabarani wakati wa upandaji wa miti pamoja na ujenzi wa nyumba ili kuepuka adha ya kuja kubomolewa kwa nyumba pamoja na kutolewa miti endapo upanuzi wa barabara ukitokea hivyo amewasihi wananchi wa Bolisa kufuata  taratibu na kanuni za serikali.

Zoezi Hilo la Upandaji Miti pia limehudhuriwa na Diwani wa Kata ya Bolisa Mhe.  Ramla Abeid ambaye aliwasihi Wana Bolisa kuhakikisha wanatunza mazingira na miti yote itakayopandwa.