Rais amaliza mgogoro wa wananchi na Gereza la King'ang'a

Tarehe iliyowekwa: February 5th, 2023

Rais wa Jamhuri ya Muungano wa Tanzania Mhe. Dkt. Samia Suluhu Hassan amemaliza mgogoro wa ardhi wa muda mrefu kati ya wananchi wa kata ya Kingale na gereza la King’ang’a uliodumu kwa zaidi ya miaka 30 kwa kugawa eneo lililokuwa linagombaniwa nusu kwa nusu.

Tamko la kumaliza mgogoro huo limetolewa na Mkuu wa Mkoa wa Dodoma Mhe. Rosemary Senyamule kwa niaba ya Waziri wa Mambo ya Ndani Mhe. Masauni Masauni wakati wa mkutano na wananchi wa Kata ya Kingale uliofanyika katika kata hiyo hivi karibuni.

“Leo hii tumekuja na habari njema kwa wana Kingale kuwa Rais Mhe. Samia Suluhu Hassan Rais wa kutoa suluhu ya matatizo yaliyoshindikana na kukomaa ametoa suluhu kwa wananchi wa Kingale, ukiacha historia ya ukubwa wa eneolililokuwa lina mgogoro kati ya magereza na wananchi wa Kingale ambalo lilikuwa na ukubwa wa ekari 7495.74 Mhe. Rais ameelekeza ekari 3272.4 libaki kwa wananchi na kuendelea kulitumia kwa shughuli za kilimo na mifugo na shughuli zingine za kiuchumi,”amesema Mhe. Senyamule

Aidha ameongeza kuwa ekari zinazibaki zibaki kwa ajili ya matumizi ya magereza kwa shughuli zao zote ambalo ni karibu ya nusu ya eneo na hii imedhihirisha kuwa Mhe.Rais yupo kwa ajili ya wananchi kwa kuwa angeweza kusema kwasababu eneo hilo limekuwa linatumiwa na Magereza kwa kipindi kirefu basi lingebaki kwa Magereza.

“Eneo hili baada ya kutolewa inatakiwa kufanyika mambo yafuatayo kwanza watu wa ardhi ndani ya mwezi mmoja waje wafanye utaratibu wa kuonyesha mipaka halisi ya maeneo yalivyogawanywa kwa kushirikiana na magereza wenyewe pamoja na viongozi wa vijiji eneo lipimwe na liwekwe mipaka halisi na ziwe kubwa na zionekane na kila mmoja,”amesisitiza Mhe. Senyamule

Ameendelea kuwaagiza viongozi wa maeneo hayo kuendelea kutunza mipaka ili kuzuia muingiliano ikiwa ni pamoja na magereza ikiwa ni pamoja na kuwashauri Wizara ya Kilimo kuweka utaratibu wa kuweka bwawa kwa ajili ya shughuli za umwagiliaji kwa kuwa eneo hilo ni bonde na Wizara ya Mifugo kujenga majosho na mabwawa kwa ajili ya kunyweshea mifugo ya wananchi wa kata ya Kingale.

Akiongea wakati wa mkutano Mbunge wa Kondoa Mjini Mhe. Ally Makoa amesema mapendekezo yaliyotoka kwa wananchi ya kilometa 1.5 waachiwe magereza na kilometa 1.5 Kambi ya Moto hadi kwenye mbuyu hivyo wao wataendelea na eneo lao la kilometa ambalo hajawalima ambalo kwa sasa ni wazi na walipokuwa wakiingiza mifugo yao walikuwa wanakamatwa.

“Shukrani kubwa kwa Mhe. Rais na Wizara ni kutuleta wataalam kutoka Wizara ya kilimo kwa ajili ya kutuwekea miundombinu ya umwagiliaji katika eneo lile ili tunyweshwe mifugo yetu na tulime tumwagilie wakati wote na mkumbuke hii hi Halmashauri ya Mji kuna wakati Mkurugenzi atazuia kulima na ndio maana tunaweka kulimo cha mjini,”amesisitiza Mhe. Makoa

Mwakilishi wa wananchi wa Kingale amemshukuru Mhe. Rais kwa kuwapatia eneo lililokuwa linangojewa kwa muda mrefu na kumuomba Mkuu wa Mkoa watu wa ardhi kwenda haraka kwa kuwa wapo na wazingatie maagizo ya Mhe. Rais kuhusu mipaka.

Mgogoro wa ardhi kayi ya wananchi wa kaya ya Kingale na gereza la King’ang’a umedumu kwa zaidi ya miaka 30 ambapo eneo lililokuwa linagombaniwa lilikuwa na ukubwa wa ekari 7495.74.