RC Senyamule ahitimisha wiki ya Elimu ya Watu Wazima

Tarehe iliyowekwa: August 18th, 2025

Mkuu wa Mkoa wa Dodoma Mhe. Rosemary Senyamule amehitimisha juma la Elimu ya Watu Wazima lililoanza tarehe 12.8.2025 kwa kutembelea shughuli mbalimbali za Elimu Nje ya Mfumo Rasmi ambapo Kimkoa limehitimishwa katika viwanja vya Puma katika Halmashauri ya Mji Kondoa.

Katika viwanja hivyo Mkuu wa Mkoa amejionea kazi mbalimbali zinazofanywa na wanafunzi walio nje ya Mfumo Rasmi wa Elimu ambao wanapata ujuzi katika vituo vya IPOSA na MKEJA.

Aidha sherehe hizo zilipambwa na maonyesho mbalimbali kutoka kwa wanafunzi wa Shule ya Wasichana Kondoa na shule zingine za msingi na Sekondari.

Sherehe hizo pia zimehudhuriwa na viongozi mbalimbali akiwemo Mkuu wa Wilaya ya Kondoa Mhe. Fatma Nyangasa, Kaimu Mkurugenzi wa Halmashauri ya Mji Kondoa Ndg. Emiliana Donald, Katibu Tawala Wilaya ya Kondoa Ndg. Christina Kalekezi, Maafisa Elimu kutoka Halmashauri za Mkoa wa Dodoma na Wakuu wa Idara na Vitengo wa Halmashauri ya Mji Kondoa.