Soko kuu Kondoa Mjini kurejeshewa huduma ya maji

Tarehe iliyowekwa: February 15th, 2024

Soko kuu la Halmashauri ya Mji Kondoa kurejeshewa huduma ya maji iliyositishwa kwani kipindi kirefu kutokana na mabomba kuziba na kudaiwa bili za maji.

Kauli ya kurejeshewa huduma hiyo imetolewa na Mkuu wa Wilaya ya Kondoa Dkt.Khamis Mkanachi alipotembelea sokoni hapo kwa ajili ya kuangalia changamoto zinazowakabili wafanyabiashara wa soko hilo.

"Nakuagiza Mhandisi wa maji Kondoa urejeshe huduma ya maji sokoni hapa lakini uwape kiasi cha fedha wanazodaiwa uongozi wa soko ili muweke kwa pamoja mikakati ya kulipa deni hilo na bili mpya zinazokuja watalipa wenyewe wanaotumia"amesema Dkt. Mkanachi

Aidha ameongezea kwa kumuagiza Mhandisi wa ujenzi Halmashauri ya Mji Kondoa kuhakikisha anayafanyiakazi maeneo yote yanayovuja kwa kuweka fundi atakayeziba maeneo hayo kwa ajili ya usalama wa mali za wafanyabiashara.

"Malalamiko yenu ya hela ya choo 300 kuwa kubwa siwezi kulisema hapa nitaenda kukaa na wataalam wa Halmashauri kuona ukitoa gharama za uendeshaji wa choo kama usafi na kumlipa msimamizi kuna fedha yoyote inabakia hivyo inaweza kupanda pia smtuwe tayari kwa majibu yoyote,"amesisitiza Dkt. Mkanachi

Awali wakiwasilisha changamoto sokoni hapo viongozi wa soko wamesema wanakabiliwa na changamoto ya maji, kuvuja kwa baadhi ya majengo na gharama kubwa za choo na uzoaji taka.

Akijibu changamoto hizo Kaimu Mkurugenzi wa Halmashauri ya Mji Kondoa Ndg. Irene Mosha amesema Halmashauri imenunua trekta ambalo litaanza kazi ya uzoaji taka muda wote sokoni hapo na maeneo yanayovuja yatafanyiwa kazi kwani lwa mwaka jana Halmashauri ilitoa fedha zaidi ya shilingi milioni 20 kwa ajili ya ukarabati wa maeneo yanayovuja hivyo litafanyiwa kazi haraka iwezekananvyo.

Soko Kuu  la Halmashauri ya Mji Kondoa lipo katika kata ya Kondoa Mjini mbapo linatoa huduma kwa wananchi wa Kondoa Mjini na wilaya za jirani ambapo Mkuu wa Wilaya alitembelea kwaajili ya kusikiliza na kutatua kero za wafanyabiashara wa soko hilo.