"Vitengo vya Mawasiliano Serikalini viimarishwe"

Tarehe iliyowekwa: May 24th, 2025

Katibu Mkuu wa Wizara ya Habari, Sanaa, Utamaduni na Michezo na Msemaji Mkuu wa Serikali, Ndg. Gerson Msigwa amezitaka Halmashauri zote nchini kuzingatia maelekezo ya Rais Samia ya kuimarisha vitengo vya Mawasiliano ya Serikali (GCU) kwa kuvipatia vitendea kazi.

Ameyasema hayo wakati akifunga kikao kazi cha Maafisa Habari wa Mikoa, Halmashauri na Taasisi zilizo chini ya OR viimarishwe kwa kupatiwa vitendea kazi na kwamba halmashauri ambazo hazitafanya hivyo zitakuwa zimekiuka maelekezo ya Mhe. Rais wa Jamhuri ya Muungano wa Tanzania, Dkt. Samia Suluhu Hassan.

"Nakemea kasumba ya baadhi ya Wakurugenzi wa Halmashauri wanaodhani vitengo hivi havihitaji fedha na kuwataka Maafisa Habari kuhakikisha mnatumia redio za kijamii na waandishi wa habari kueleza mazuri ambayo serikali imeyatekeleza katika maeneo yao"amesema Msigwa

Ameongeza kwa kuwataka wajiandae kwa kushirikiana na viongozi wao kuandaa taarifa zitakazowasilishwa katika mikutano na Waandishi wa Habari katika mikoa yao kazi ambayo itaanza kufanyika mapema mwezi Juni baada ya kukamilisha mikutano ya Mawaziri.

 Aidha amewataka Maafisa Habari kuhakikisha wanandaa mikakati ya Mawasiliano ya Taasisi zao ili kutangaza kimkakati kazi zilizofanywa na Serikali ili wananchi wazijue.

Maafisa Habari kutoka Halmashauri ya Mji Kondoa walishiriki kikao hicho muhimu katika kuboresha utendaji kazi wa vitengo hivyo.