Waandikishaji wapiga kura Kondoa Mji wapewa semina

Tarehe iliyowekwa: October 7th, 2024

Msimamizi wa uchaguzi Halmashauri ya Mji wa Kondoa Ndg Said Majaliwa amewasihi waandikishaji wote wanaohudhuria mafunzo hayo kusikiliza kwa makini kile watakachofundishwa ili waweze kufanya kazi ya uandikishaji kwa ufanisi.

Wito huo umetolewa na msimamizi wa uchaguzi Halmamshauri ya Mji Kondoa Ndg.Said Majaliwa alipokuwa akifungua mafunzo ya waandikishaji wapiga kura iliyofanyika katika ukumbi wa mikutano wa Halmashauri.

"Wito wangu sikilizeni kwa makini usikubali kutoka humu bila kuelewa na kama kuna sehemu huelewi uliza usikae na kitu kichwani ambacho kitakupa shida " amesema Ndg. Said Majaliwa

Ameongeza kuwa endapo watafanya kazi kwa weledi katika zoezi la uandikishaji itawarahisishia wao wenyewe kuweza kupata fursa  nyingine pindi zitakapojitokeza.

Aidha waandikishaji hao wamepewa elimu ya uraia kutoka kwa Afisa Uhamiaji Kondoa Ndg. Fadhili Fadhili na Afisa kutoka TAKUKURU ili kupata uelewa wa masuala ya kuandikisha mtu asiye raia na madhara ya kutoa na kupokea rushwa.

Semina hiyo ambayo ni ya siku moja imehudhuriwa na waandikishaji wa wapiga kura wa vituo 63 vya Halmashauri ya Mji Kondoa, wasimamizi wasaidizi wa uchaguzi halmashauri na wasimamizi wasaidizi wa uchaguzi ngazi ya kata na mitaa.