Waheshimiwa Madiwani wapongeza utekelezaji wa milioni 700 za miradi ya BOOST

Tarehe iliyowekwa: July 21st, 2023

Waheshimiwa madiwani wa kamati ya Fedha na Utawala Halmashauri ya Mji Kondoa wamepongeza utekelezaji wa miradi ya BOOST uliofanywa na menejimenti na walimu wa Shule za Msingi.

Pongezi hizo wamezitoa wakati wa ziara ya ukaguzi wa miradi ya maendeleo robo ya nne uliofanyika katika mirahi hiyo hivi karibuni.

" Tunawapongeza sana kwanza Mhe. Rais Dkt. Samia Suluhu Hassan kwa kutupatia fedha, Mbunge, Mkurugenzi na Walimu wote wakiongozwa na Afisa Elimu Msingi kwa kazi kubwa mlioifanya ya usimamizi hadi miradi imekamilika kwa kiwango hiki kizuri."wamesema wajumbe

Kwa upande wake Mwenyekiti wa Halmashauri ya Mji Kondoa Mhe. Mohamed Kiberenge amewataka walimu wote kuweka nyaraka za miradi zote ili kuepuka usumbufu wakati wa ukaguzi kwa kuwa wamefanya kazi nzuri.

Hata hivyo aliwasihi kuitunza miundombinu hiyo ili itumike kwa lengo lililokusudiwa la kusogeza huduma karibu kwa wananchi.

Ameongeza kwa kuitaka menejimenti kuandaa vyeti vya pongezi kwa mafundi na wasimamizi wa miradi hiyo kutokana na kazi nzuri waliyoifanya katika utekelezaji wa kazi hiyo.

Ziara ya kamati ya fedha imefanya ziara ya ukaguzi wa miradi ikiwashirikisha wakuu wa Idara na vitengo ikiwa ni ziara ya robo ya nne kwa mwaka wa fedha 2022/2023 ambapo miradi ya BOOST ilitekelezwa kwa kujenga madarasa na vyoo katika Shule ya Msingi Mpalangwi, Kichangani, Miningani, Mongoroma na Shule Mpya ya Maji ya Shamba.