Wananchi wa Chang'ombe wapongezwa kujitolea kwenye miradi ya maendeleo

Tarehe iliyowekwa: October 24th, 2023

Wananchi wa Chang'ombe Halmashauri ya Mji Kondoa wamepongezwa na wajumbe wa Kamati ya Fedha na Utawala kwa kujitoa katika kuchangia miradi ya maendeleo.

Pongezi hizo zimetolewa wakati wa ziara ya kamati hiyo wakati wa ukaguzi wa miradi robo ya kwanza shuleni hapo hivi karibuni.

"Serikali imeleta fedha kwa ajili ya ujenzi wa matundu 10 ya vyoo na tunashukuru mpo vizuri mlishachimba shimo na kulijengea hivyo nina imani vyoo hivyo vitakamilika kwa wakati,"amesema Mwenyekiti Kiberenge

Aidha wajumbe wameagiza ujenzi wa vyoo hivyo kukamilika ndani ya mwezi mmoja ili wanafunzi wapate huduma kusudiwa kwani kujengwa kwa vyoo hivyo kutasaidia kuongeza idadi ya matundu ya vyoo shuleni hapo.

Naye Mkurugenzi wa Halmashauri ya Mji Kondoa amewaaidi wananchi wananchi hao kuwa wataendelea kuwasaidia kuwatengea bajeti ili kuunga mkono juhudi wanazofanya katika utekelezaji wa miradi ya maendeleo.

Kwa upande wake mdau wa elimu kutoka Chang'ombe Ndg.Kassim Gwandi ameishukuru serikali kwa kuwapatia fedha hizo na kuomba kuwaunga mkono kupata fedha za umaliziaji wa nyumba ya mwalimu ambapo wananchi wamejenga boma na madarasa 3 na ofisi.

Shule ya Msingi Serengenyi ipo katika kata ya Kondoa Mjini Mtaa wa Tumbelo ambapo imepata usajili mwaka huu.