Wataalam wa Kilimo na Mifugo Kondoa Mji watembelea Nanenane Jijini Dodoma

Tarehe iliyowekwa: June 24th, 2025

Wataalam wa Idara ya Kilimo, Mifugo na Uvuvi katika Halmashauri ya Mji Kondoa wamefanya ziara ya mafunzo katika Jiji la Dodoma ambapo  wametembelea eneo la Nanenane ili kujionea jinsi maandalizi ya maonesho hayo yanavyoendelea.

Ziara hiyo imeongozwa na Mkuu wa Idara ya Kilimo Ndg.Hassan Kiseto ambapo amesema kuwa lengo kubwa la ziara hiyo ni kukagua eneo la Halmashauri ya Mji Kondoa ambalo limeandaliwa kwaajili ya kupanda vipando mbalimbali ambavyo vitaonyeshwa kwenye maonyesho ya Nanenane mwezi Agosti 2025.

Mkuu wa Idara ya Kilimo, Mifugo na Ushirika ameishukuru Halmashauri ya Mji Kondoa kwa kutoa ushirikiano mkubwa wa maandalizi ya Nanenane na pia wataalam wa Halmashauri kwa kutoa ushauri mzuri juu ya maboresho kuelekea maonesho ya wakulima mwaka 2025.

"Kila mtaalam ametoa ushauri wake wa namna nzuri ya kufanya kutokea hapa tulipo mpaka kufikia Agosti 1 ili kuwa na maonesho bora" amesema Kiseto

Ameongeza kuwa Halmashauri imetoa mtaalam mmoja kwaajili ya kusimamia vipando vyake na kuvitunza ili kuwa katika hali nzuri wakati wa maonesho.

Maonesho ya Wakulima na Wafugaji Nanenane yanatarajia kuanza Agosti 1 ambapo kitaifa yatafanyika mkoani Dodoma na Halmashauri ya Mji Kondoa itashiriki.