Watendaji wa Kata na Mitaa watakiwa kuwahudumia Wananchi

Tarehe iliyowekwa: April 2nd, 2025

Mkurugenzi wa Halmashauri ya Mji Kondoa Ndg. Said Majaliwa amewaasa  Watendaji wa Kata na Mitaa kuhakikisha wanawahudumia wananchi ipasavyo huko walipo na sio kila kitu kuwatuma wananchi kuleta malalamiko yao katika Ofisi za Halmashauri.

Majaliwa amesema hayo wakati akifunga mafunzo ya siku moja yaliyoandaliwa na Idara ya Maendeleo ya Jamii juu ya rejea kwa kamati za mikopo ngazi ya Kata kuhusu usimamizi na utoaji wa mikopo kwa vikundi vya Wanawake Vijana na Watu wenye ulemavu

"Halmashauri akija aje kwa jambo ambalo liko nje ya uwezo wako Ili Mimi niweze kukusaidia" amesema Mkurugenzi Majaliwa.

Lengo la kutoa mafunzo haya ni kuwakumbusha miongozo na kanuni za utoaji wa mikopo pamoja na kuwajengea uwezo wa kufundisha vikundi vilivyopo katika Kata zao.

Aidha amewasisitiza Watendaji kutochoka kuwahudumia wananchi hususani katika Kero wanazoibua pasipo kuangalia kama ana haki au hana lakini mwananchi huyo anatakiwa kusikilizwa kwa ufasaha na kisha kupatiwa majibu.

Mafunzo hayo ya viongozi wa Kata yamefanyika katika ukumbi wa mikutano wa Halmashauri huku zaidi ya watendaji 20 wakihudhuria mafunzo hayo.