CAMFED wahakikishiwa kufikia malengo Kondoa Mji

Tarehe iliyowekwa: May 24th, 2024

Mkurugenzi wa Halmashauri ya Mji Kondoa Ndg. Said Majaliwa amewahakikisha wawezeshaji kutoka shirika la CAMFED kuwa malengo waliyojiwekea katika utekelezaji wa mradi wao Kondoa Mji utafanikiwa kwa asilimia mia moja.

Ameyasema hayo wakati akifungua mafunzo ya siku mbili kwa Maafisa Elimu Kata na Wakuu wa Shule yanayofanyika katika kituo cha Walimu (TRC) Iboni.

“Tuna bahati sana watu wa Kondoa Mji katika mikoa na Halmashauri chache kupata program hiyo ni bahati na kwetu ni mafanikio kwani CAMFED wangeweza kusema wanaenda kufanya uhamasishaji kwa vijana bila kutumia walimu lakini wakasema lazima watumie Maafisa Elimu Kata na Wakuu wa Shule ili kufikia malengo,”amesema Mkurugenzi Majaliwa

Aidha amesema kuwa ana imani na walimu wake walioitwa kwa ajili ya kupatiwa mafunzo na kuwashauri walimu hao kwenda kuwa mabalozi wazuri baada ya mafunzo ya uelewa wa mradi watakayopewa.

“Kuna kazi mtapewa kwenda kutekeleza kwenye maeneo yenu msiposikiliza vizuri matakwenda kuchahua kundi ambalo siyo zuri na siku zoto kundi zuri linalochaguliwa ndilo linalokupa matokeo mazuri naomba sana tuwasikilize wawezeshaji wetu,”amesisitiza Mkurugenzi Majaliwa

Ameongeza kwa kusema kuwa anaamini mafunzo hayo ni shirikishi kwa kuwa siku hizi ndiyo njia ndio njia inayotumiwa ili kupata matokeo mazuri kwa kuwa pande zote mbili zinashiriki kwa kutoa mawazo yenye kuboresha.

Shirika la CAMFED linatarajia kuanza kufanya kazi ya ufadhili kwa watoto wa kike wanaotokea katika mazingira magumu kwa kuwagharamia ili kufikia malengo yao kuanzia sekondari hadi chuo ambapo wameanza kwa kuwajengea uwezo wa Maafisa Elimu Kata na Walimu Wakuu ili waelewe namna mradi utakavyofanya kazi.