Elimu mkoa watoa dondoo za ukaguzi wa elimu

Tarehe iliyowekwa: April 4th, 2025

Idara ya Elimu Mkoa wa Dodoma imefanya kikao na Maafisa Elimu  wa Msingi na Sekondari, Maafisa Elimu Kata, Wakuu wa Shule na Walimu ili kuwapa dondoo za kwenda kukagua kinachoendelea katika Shule za mkoa huo katika masuala ya ufundishwaji na taaluma.

Maafisa Elimu hao wametoka katika Halmashauri zote 8 za mkoa wa Dodoma ambapo wameanza kwa kufanya kikao katika Ukumbi wa Chuo cha Bustani Kondoa.

Akiongea Afisa Elimu mkoa wa Dodoma Mwl. Vincent Kayombo ambaye amempongeza Mkuu wa Shule ya Msingi Miningani kwa ubunifu mzuri lakini pia kwa ushirikiano mzuri kati ya menejimenti ya Shule pamoja na kamati ya Shule kwani ushirikiano huo umeleta matokeo mazuri.

Ameongeza kuwa licha ya kupanda miti mingi pamoja na kuweka vibao vingi katika Shule lakini mwisho wa siku kinachotakiwa ni matokeo kuwa mazuri na si vinginevyo.

Kwa upande wake Afisa Elimu Sekondari Halmashauri ya Mji Kondoa Mwl. Mary Chakupewa amesema kuwa lengo la kikao hicho ni kufuatilia maendeleo ya taaluma mashuleni, ufundishwaji na ujifunzaji, hali ya mazingira shuleni na namna waalimu wanavyosimamia na kutekeleza mtaala ili kuongeza ufaulu katika mkoa wa Dodoma

Maafisa hao wametembelea  Shule mbalimbali na kuangalia kama kuna mapungufu kisha kutoa ushauri na  nini kifanyike ili kufikia malengo husika.

Zaidi ya maafisa 60 wameshiriki katika kikao hicho kilichofanyika katika ukumbi wa Chuo cha Ualimu Bustani uliopo Halmashauri ya Mji Kondoa ili kuhakikisha ufaulu wa wanafunzi unaongezeka katika mkoa wa Dodoma