Mkurugenzi Majaliwa aingia kata ya Kolo kusikiliza na kutatua kero

Tarehe iliyowekwa: March 20th, 2025

Mkurugenzi wa Halmashauri ya Mji Kondoa Ndg. Said Majaliwa amesikiliza na kutatua kero za wananchi wa kata ya Kolo bya ziara yake Leo katika Kata ya Kolo ikiwa ni mwendelezo wa ziara zake za kusikiliza na kutatua kero kata kwa kata katika Halmashauri ya Mji Kondoa.

Moja wapo ya Kero alizosikiliza Majaliwa ni kero za masuala ya ardhi, Afya, umeme, maji, shule masuala ya miundombinu pamoja na kero zingine.

Aidha katika ziara hiyo Mkurugenzi ameambatana na Wakuu wa Idara na Vitengo lengo likiwa kuhakikisha wanajibu kero zinazoelekezwa katika Idara zao.

Mkurugenzi amewaambia wananchi wa Kata ya Kolo kuwa baadhi ya kero zilizoibuliwa na kutopatiwa majibu atahakikisha zinatatuliwa kwa wakati na majibu yatapelekwa kwenye Ofisi ya Kata ambao watapaswa kuwasilisha majibu hayo katika kikao cha WDC.

Majaliwa  amesema kuwa ofisi yake ipo tayari kupokea kero muda wowote hivyo wananchi wasiogope kumtafuta pindi wanapokumbana na  changamoto sehemu yoyote.

"Najua siku Moja haitoshi lakini tutaendelea kusikiliza kero za wananchi na nina imani kwa majibu tuliyoyatoa yamekidhi kiu yenu kwa asilimia kubwa," amesema Mkurugenzi Majaliwa.

Kikao hicho kimehudhuriwa na Mheshimiwa Diwani Kata ya Kolo, Wenyeviti wa Mitaa, Watendaji wa Mitaa na Wajumbe wa Serikali ya Mtaa na wataalam wote wa kata ya Kolo.