Naibu Waziri Ujenzi afika Kondoa kujionea Mto Bubu na Shule ya Msingi Unkuku

Tarehe iliyowekwa: November 16th, 2023

Naibu Waziri wa Ujenzi Mhandisi GodfreyKasekenya amefika katika Shue ya Msingi Unkuku na eneo la mto Bubu kwa ajili yakujionea hali halisi ya maeneo hayo ili kuyafanyia kazi baada ya mbunge wajimbo la Kondoa Mjini Mhe.Ally Makoa kuyasemea maeneo hayo bungeni.

Akiongea katika eneo la mto Bubu Naibu Waziriamesema daraja la Mto Bubu ni muhimu sana katika kuunganisha maeneo mawiliupande wa Kondoa na Serya na gharama za ujenzi wa daraja katika eneo hili nikubwa na kuongeza kuwa wataalam wa usanifu wapo hatua za mwisho za usanifu nawatakamilisha mwezi ujao.

“Daraja litakuwa na urefu wa mita 500 darajakama daraja na barabara km 1.5 na shida ya mito kama hii huwa inajaza mchangaunaweza kujenga daraja likawa linajaza mchanga baada ya muda unakuta majiyanapita juu ya daraja kwasababu ya kujaza mchanga hivyo daraja linatakiwa liwejuu sana,”amesema Mhandisi Kasekenya

Aidha amesema daraja linaonekana ni muhimu sanakwa wanakondoa na watu wa Hanang na lipo katika vitabu vya Wizara hivyowanaendelea kutenga fedha kwa ajili ya ujenzi wa daraja hilo ambapo kwa mwakahuu wa fedha kuna fedha zimetengwa pia kwa ajili ya ujenzi na kwa mwaka wafedha ujao ujenzi unaweza kuanza rasmi.

Ameongeza kuwa awali walifikiria kulijenga darajaeneo lingine lakini baada ya kuangalia baadhi ya changamoto daraja litajengwaeneo lilelile lililokuwa limejengwa daraja la awali na usanifu uonaokamilishwani wa eneo hilo.

Hata hivyo amesema Shule ya Msingi Unkukuitajengwa na serikali na si kuleta fedha na eneo lipo tayari kwa kuwa mwongozounasema wanapoingilia taasisi za umma wakati wa ujenzi wa barabara badala ya kutoafedha wanapaswa kujenga kwani wanaweza kuleta fedha zisikamilishe shulekutokana na sababu tofauti badala yake wataleta mchoro na hazina watalipa.

Kwa upande wake Mkuu wa Wilaya ya Kondoa Dkt.Khamis Mkanachi amemshukuru Naibu Waziri kwa kufika katika maeneo hayo nakuongeza kuwa kufika kwake kumeonyesha umuhimu wa mambo hayo ambapo itaongeza imanikubwa kwa wakazi wa Kondoa.

Katika ziara hiyo Mbunge wa Kondoa Mjini Mhe.Ally Makoa, Waheshimiwa Madiwani wa viti Maalum, Mkuu wa Wilaya walishirikipamoja na wataalam kutoka Halmashauri ya Mji Kondoa.