RC Senyamule awataka Watendaji na Wakuu wa Shule kuwajibika ujenzi wa madarasa

Tarehe iliyowekwa: November 18th, 2022

Mkuu wa Mkoa wa Dododma Mhe. Rosemary Senyamule wamewataka watendaji na wakuu wa shule wilaya ya Kondoa kuwajibika katika nafasi zao ili kukamilisha miradi ya madarasa inayoendelea kwa kuwa ndio agenda ya kitaifa kwa sasa.

Ameyasema hayo wakati akikagua miradi ya ujenzi wa madarasa inayoendelea katika Shule za Sekondari za Kwapakacha na Bicha ikiwa ni baada ya kufungua nyumba ya Mkuu wa Wilaya Kondoa.

Mimi kazi yangu ni kutembelea miradi na kukagua lakinimkwa kweli ji matarajio yangu yule aliyepewa dhamana kwenye eneo husika kwa maana nyie mmepewa kata na Mtendaji wako mmefanya vizuri ni kuwapongeza na kutoa taarifa kwenye uongozi, kuna mtu alikuwa anashangaa kuona kiongozi anakuja Waziri kugomba kwenye mradi na viongozi wote wapo lakini ni kwasababu hamtimizi majukumu yenu kwa wakati na jinsi inavyotakiwa,"amesema Mhe. Senyamule

Aidha ameongeza kwa kusema kuwa wao kama viongozi wangekuwa wanapata taarifa akuwa madarasa yanaendelea vizuri walikiwa hawana haja ya kufika na wanakuja mahali ambapo hapafanyi vizuri  hivyo wanatakiwa kukaa na kujipanga ili kuwahakikishia viongozi kuwa Serikali haikukosea kuweka mfumo wa uongozi kuanzia  ngazi ya chini.

"Mtaalam unapaswa kutuambia vitu kitaalam kwamba ndani ya siku moja tutaezeka bati au madirisha na tunapohesabu zile siku tuone zinaendana na si kusema tu ndani ya wiki moja tutakuwa tumemaliza mkuu na hayo ndio yanayotufanya tuje huku sasa hivyo mjipange vizuri na Mtendaji wako na Mheshimiwa Diwani mwambie Mtendaji huyo dhamana hii inamtosha ndio maana amewekwa hapa na kama inamtosha amalize hii kata,"amesisitiza Mhe. Senyamule

Ameendelea kueleza kuwa vifaa vyote vinapaswa kuwepo eneo la mradi ili kuepusha mafundi kukaa bila kazi mara vifaa vinapokosekana kwa kuwa Mhe. Rais ametoa fedha za mradi wote hivyo vitumike ipasavyo ili kazi ikamilike kwa wakati uliopangwa laki kwa umakini, ufanisi na viwango vunavyotakiwa.

Akisoma taarifa awali kaimu Mkurugenzi Halmashauri ya Mji Kondoa Ndg. Irene Mosha amesema walipokea shilingi milioni 180 kwa ajilinya ujenzi wa madarasa 9 katika shule 5 za Sekondari mwezi Oktoba na ujenzi unaendelea ambapo hadi Novemba 16 madarsa yote yalikuwa katika hatua ya upauaji na yote yamepigwa ripu na kuahidi kukabidhi madarasa hayo ifikapo desemba mosi.

Ziara ya Mkuu wa Mkoa imefanyika wilayani Kondoa ambapo amefungua nyumba ya Mkuu wa Wilaya ya Kondoa na kujionea ujenzi wa nyumba ya KatibuTawala na imehudhuriwa na Wajumbe wa Kamati ya Ulinzi na Usalama, baadhi ya Waheshimiwa madiwani wa Kondoa Mji na Wakuu wa Idara wa Halmashauri ya Mji na Wilaya ya Kondoa.