Wanafunzi watakiwa kutokaa kimya wanapofanyiwa ukatili

Tarehe iliyowekwa: March 3rd, 2023

Wanafunzi wa Shule za Sekondari Halmashauri ya Mji Kondoa wametakiwa kutoa taarifa kwa walimu wao wanapofanyiwa ukatili majumbani mwao ili waweze kusaidiwa kutimiza ndoto zao.

Hayo yamesemwa na Afisa Elimu Sekondari Mwalimu Annette Nara alipokuwa akiongea na wanafunzi wa Shule ya Sekondari Bicha na Kolo hivi karibuni.

"Msikae na vitu moyoni waoneni walimu wenu wa ushauri nasaha lakini hata mwalimu yoyote mweleze shida yako atakusaidia ili uweze kusoma na kutimiza malengo yako."amesema Mwalimu Nara

Aidha ameongeza kwa kukemea tabia ya ulawiti na usagaji  inayoendelea katika maeneo mbalimbali na kuwataka iwapo kuna wanafunzi wanafanya michezo hiyo kuacha mara moja tabia hiyo kwani wanahatarisha afya zao."

"Ndugu wanaowataka kimwili toeni taarifa kwa walimu mapema  ili amsaidiwe msilifumbie macho kabisa na hili jambo si la mchezo mchezo mnatakiwa kulinda taaluma yenu na kumuomba sana Mungu na kujiweka chini yake."amesisitiza Mwalimu Nara

Ameendelea kuzingatia maelekezo na nidhamu ili kutimiza ndotomzao na kupata ufaulu wa daraja la kwanza au la pili na inawezekana kwa kuwa wote wanaakili timamu.

Hata hivyo amewataka kuwahimiza wazazi kupanda miti ili kuondoa hali ya jangwa na kukosekana kwa mvua, ikiwa ni pamoja na kuwaomba kuwachangia chakula shuleni ili wapate chakula shuleni na kusoma kwa muda wa ziada.